Ազգային ժողովի մոտ այս պահին հավաքվել են ՀՀ այն քաղաքացիները, ովքեր ցանկանում են մեկնել Ռուսաստանի Դաշնություն։
Նրանք պնդում են՝ ցանկանում են վերադառնալ իրենց ընտանիքների մոտ, քանի որ այստեղ ապրելու պայմաններ չունեն։
«Կարելի՞ է ընտանիքներ բաժանել կորոնավիրուսի պատճառով»,-հայտարարեց հավաքված քաղաքացիներից մեկը, ով նշեց՝ մոտ տասը տարի ապրել է Ռուսաստանում, այնտեղ ունի աշխատանք, ընտանիք, մինչդեռ այստեղ դժվարանում է նույնիսկ աշխատանք գտնել։
Քաղաքացիների հետ հանդիպման իջավ ԼՀԿ խմբակցության ղեկավար Էդմոն Մարուքյանը։ Վերջինս նշեց՝ մեր կողմից սահմանները բացելու մասին այս պահին խոսակցություն չկա․
«Հիմա արտակարգ դրությունը երբ հանվի, Հայաստանում, ըստ նոր քննարկվող օրենքի, պետք է հայտարարվի կարանտին, մեր մտավախությունն այն է, որ հնարավոր է՝ այս կարանտինի ուղերձը լինի ավելի խիստ ու անհասկանալի, և սահմանները շարունակաբար չբացվեն»,- ասաց նա։
Ամբողջը՝ այստեղ
0 Մեկնաբանություն