ՀՀ առողջապահության նախարարությունը Արսեն Թորոսյանի՝ նախարարի պաշտոնում աշխատելու ընթացքում նրա կնոջ՝ Վարդանուշ Թևանյանի տնօրինած «ՄԻԲՍ» ՍՊԸ հետ կնքել է շուրջ 2 մլն ԱՄՆ դոլարի (1մլրդ. ՀՀ դրամ) պայմանագիր: Այս մասին Tert.am-ի գրավոր հարցմանն ի պատասխան՝ հայտնել են Առողջապահության նախարարությունից: Հիշեցնենք՝ Թորոսյանն Առողջապահության նախարարությունում պաշտոնավարել է 2018 թ. մայիսի 12-ից մինչև 2021 թ. հունվարի 18-ը: Ընկերության հետ Առողջապահության նախարարությունը պայմանագիր է կնքել նաև Թորոսյանի պաշտոնանկությունից մոտ 1 ամիս առաջ՝ 2020 թ. դեկտեմբերի 28-ին: Պայմանագրային գումարը կազմել է 72.6 մլն դրամ: Առաջին անգամ Առողջապահության նախարարության և ընկերության միջև պայմանագիր է կնքվել 2014 թվականին, պայմանագրային գումարը կազմել է 20.0 մլն ՀՀ դրամ:
0 Մեկնաբանություն