«Լուսավոր Հայաստան» խմբակցության ղեկավար Էդմոն Մարուքյանի խոսքով՝ այս պահին ամեն ինչ որոշվում է մարտադաշտում․
«Պատերազմը հիմա մարտադաշտում է և մարտադաշտում է ամեն ինչ որոշվում։ Քաղաքականությունը պետք է ամրապնդի մարտադաշտում տեղի ունեցողը, որովհետև դիվանագիտությունը չի կարողացել էնպես անել, որ չսկսվի պատերազմ։ Ասում է՝ ամեն բան հիմա կախված է ռազմադաշտից, պետք է լինենք մեր տեղերում և սպասենք հրահանգների․
«Մարգարե պետք չէ լինել իմանալու համար, որ պատերազմ է լինելու։ Մենք պետք է հաջողություններ արձանագրենք և պատերազմի դաշտում է լուծվում ամեն ինչ և բանակցությունները պիտի վերսկսենք էն կետից, որտեղից որ մենք պատերազմի դաշտում արձանագրում ունենանք»։
Պատգամավորի հավաստիացմամբ՝ առավոտից դիմել են միջազգային գործընկերներին, բայց ԱԺ-ն արտահերթ նիստ կգումարի, բոլոր քաղաքական ուժերը հայտարարությամբ հանդես կգան։ Իսկ ինչ վերաբերում է ՀԱՊԿ-ին․ «Պետք է հասկանանք, որ ՀԱՊԿ-ի շարժիչ ուժը Ռուսաստանն է և այդ մասով կախված է Ռուսաստանից, եթե անհրաժեշտություն լինի՝ ոտնձգություն ՀՀ տարածքի վրա ՀԱՊԿ-ի պայմանագիրը սկսելու է գործել»։
0 Մեկնաբանություն