Գլոբալիզացիայի եւ տարածաշրջանային համագործակցության վերլուծական կենտրոնի ղեկավար Ստեփան Գրիգորյանը Հանրապետականների տված խոստումներին չի հավատում:
«Վերեւներում գտնվողները որակով շատ ցածր են հայ ժողովրդից, նրանց պետք է հանել ԱԺ-ից, բայց շարունակում են կառչած մնալ իրենց պաշտոններից եւ պետականամետություն չեն ցուցաբերում»:
Ստեփան Գրիգորյանը կտրականապես դեմ է, որ Նիկոլ Փաշինյանը հրաժարական տա:
«Ես չեմ հավատում, որ ՀՀԿ-ն մայիսին կգնա արտահերթ ընտրությունների: Հանցագործներ, ուրիշ բան չունեմ ասելու, իրենք հակահայկական վարք են ցուցաբերում, նրանք բոլորը կջնջվեն: Եթե չլիներ Նիկոլ Փաշինյանի հեղինակությունը, այն օրը նրանց ժողովուրդը կուտեր»:
Քաղաքագետը պատրաստ է անվճար ուսուցում անցկացնել հանրապետականների համար:
«Որ անգրագետ եք ոչինչ, ես պատրաստ եմ ձեզ սովորեցնել, հայ ժողովուրդը արժանի չի ձեր նման անկիրթ պատգամավորների: Դուք կարող է պատգամավոր ե՞ք ծնվել, էլ չեմ ասում առանձին խուլիգան պատգամավորների լկտի պահվածքը: Ժողովուրդն արդեն ասել է, թե ում է վստահում եւ ում ընտրեց Երեւանի ավագանու ընտրություններին»:
Այս պատգամավորները վախենում են դուրս գալ եւ քայլել փողոցում: Ձեր պարտականությունն է դուրս գալ եւ լսել ձեր հասցեին ուղղված թթու խոսքերը, հավելում է Ստեփան Գրիգորյանը:
0 Մեկնաբանություն