Քաղաքականություն

Ալեքսեյ Նավալնիին ձերբակալվել է օդանավակայանում (տեսանյութ)

Կիրակի Ալեքսեյ Նավալնին ձերբակալվել է ՌԴ ոստիկանության և սահմանապահ ծառայության կողմից «Շերեմետևո» օդանավակայանի անձնագրային ստուգման անցակետում:

Հունվարի 17-ին «Շերեմետևո» օդանավակայանում ոստիկանությունը բերման է ենթարկել Ալեքսեյ Նավալնիին, երբ վերջինս տիկնոջ՝ Յուլիայի և մամլո խոսնակ Կիրա Յարեշի հետ Մոսկվա է ժամանել Գերմանիայից, ուր բուժում էր անցնում հիվանդանոցում՝ թունավորվելուց հետո: Ինտերֆաքսի փոխանցմամբ նա հետախուզման մեջ է 2020 թվականի դեկտեմբերի 29-ից` փորձաշրջանի բազմաթիվ խախտումների համար: Նրան դատապարտել էին պայմանական ազատազրկման:

«Մինչև դատարանի որոշումը նա կալանքի տակ կլինի», - ասված է մամուլի հաղորդագրության մեջ:

Դրանից առաջ Reuters- ը, վկայակոչելով «Պոբեդա»  ավիաընկերությանը, հաղորդել է, որ «Վնուկովո» օդանավակայանը, որտեղ սպասվում էր Ալեքսեյ Նավալնիի ինքնաթիռի ժամանումը, փակ է թռիչքների ժամանման համար: Ինքնաթիռը վայրէջք է կատարել «Շերեմետևո» օդանավակայանում:

Ավելի վաղ, հղում անելով Նավալնիի աշխատակիցների ՝ սոցցանցերում հայտարարություններին, Reuters- ը հաղորդել էր, որ Ռուսաստանի ոստիկանությունը սկսել է բերման ենթարկել «Վնուկովո» օդանավակայան ժամանած իր կողմնակիցներին: Ինչպես հաղորդվում է, ձերբակալվածների թվում են եղել Հակակոռուպցիոն հիմնադրամի (FBK) աշխատակիցներ Լյուբով Սոբոլը և Ռուսլան Շավեդդինովը, ինչպես նաև Անաստասիա Կադետովան, Իլյա Պախոմովը, Դմիտրի Բեսկորովայնին, Կոնստանտին Կոտովը և «Նովայա գազետա» -ի թղթակից Վլադ Դոկշինինը:

Նավալնին Գերմանիայից վերադառձավ Ռուսաստան՝ չնայած Ռուսաստանի իշխանությունների կողմից նրան ձերբակալելու և, հնարավոր է, մի քանի տարի բանտարկելու սպառնալիքին:

«Նրանք ուզում են ինձ ձերբակալե՞լ: Ես անմեղ եմ»,- լրագրողների հետ զրույցում ասել է Նավալնին՝ բարձրանալով դեպի Ռուսաստան թռչող «Պոբեդա» ավիաընկերության ինքնաթիռը:

Նավալնիի կողմնակիցները ծրագրում էին նրան դիմավորել «Վնուկովո» օդանավակայանում: Մոտ 2.000 մարդ իր ֆեյսբուքյան էջում հայտարարել է, որ մտադիր է գալ օդանավակայան, ևս 6.000 մարդ հետաքրքրություն ցուցաբերել այս հարցում:             

  Հիշեցնենք՝ ինքնաթիռն, ի վերջո, վայրէջք  է կատարել  «Շերեմետևո»  օդանավակայանում:

0 Մեկնաբանություն

Թողեք Ձեր մեկնաբանությունը

Ձեր մեկնաբանությունը կավելացվի մեր մոդերատորների հաստատումից հետո *