Բելառուսի նախագահ Ալեքսանդր Լուկաշենկոն շաբաթ օրը Ռուսաստանին է դիմել օգնության կոչով: Նա այս քայլին է դիմում նախագահական վիճահարույց ընտրություններից հետո իր հրաժարականը պահանջող անհանգստության ալիքի տակ:
Լուկաշենկոյի 26-ամյա իշխանությունը 10-յակ 1000-ավոր ցուցարարների ճնշման տակ հայտնվել է վտանգի ներքո: Արդեն մի քանի օր շարունակվող ցույցերը, որոնք երբեմն ընթանում են ոստիկանության հետ բախումներով, ունեն 1 նպատակ` Լուկաշենկոյի հրաժարականը, հայտարարելով, որ ընտրություններն անցկացվել են համատարած խախտումներով ու օրենքի ոտնահարումներով:
Իշխանությունից կառչած Լուկաշենկոն հայտարարում է, թե անհանգստությունների այս ալիքը կարող է տարածվել Բելառուսի սահմաններից դուրս, և կարծում, որ դա պիտի անհանգստանցնի նաև Ռուսաստանին: Պուտինի հետ Լուկաշենկոյի հեռախոսազրույցի մասին մանրամասները դեռ չեն ներկայացվում: Մինչ զանգահարելը, Լուկաշենկոն ասել է, թե ‘’այս վտանգը միայն Բելառուսին չէ, որ սպառնում է’’: Այս ընթացքում ընդդիմության թեկնածու Սվետլանա Տիխանովսկայան, որն ընտրություններից հետո փախուստի է դիմել Լիտվա, կոչ է արել անցկացնել բողոքի նոր ցույցեր՝ պահանջելով ձայների վերահաշվարկ:
Ռուսաստանը Բելառուսը համարում է ՆԱՏՕ-ի ու Եվրոպական միության դեմ որպես ռազմավարական բուֆերային գոտի: Մինչ ընտրությունները Մոսկվայի ու Մինսկի հարաբերությունները լարվել էին, երբ Լուկաշենկոն մերժել էր Ռուսաստանի հետ իր երկրի քաղաքական ու տնտեսական միություն կազմելու՝ Պուտինի առաջարկը:
Մեծաթիվ վերլուծաբաններ են ասում, որ համատարած խախտումներով անցած ընտրությունների արդյունքում ոչ լեգիտիմ նախագահ ունենալու հանգամանքը Բելառուսին կարող է ստիպել գնալ Ռուսաստանի հետ հարաբերություններում զիջումների:
Այլ հաղորդագրությունների համաձայն, ԱՄՆ-ը հայտարարել է, որ չի ճանաչում Բելառուսի նախագահական ընտրությունների արդյունքը:
0 Մեկնաբանություն