Օրերս հայտնի դարձավ, որ «Յուքոմ» հեռահաղորդակցական ընկերությունը պատրաստվում է գնել «Վեոն Արմենիա» փակ բաժնետիրական ընկերությունը («ՎԵՈՆ» ընկերությունների խմբի հայկական մասը), որի ապրանքանիշը «Բիլայն»-ն է։
«Ա1+»-ը դիմեց Հանրային ծառայությունները կարգավորող հանձնաժողովին՝ տեղեկանալու, թե ինչ ընթացքի մեջ է գործարքը։
«Այս պահին գործընթացը քննարկման փուլում է իրավասու մարմինների հետ։ Դեռևս ժամկետներ չեմ կարող ասել»,- ասաց ՀԾԿՀ խոսնակ Լիանա Ազիզյանը։ Մամուլի խոսնակը նաև նշեց, որ «Վեոն Արմենիա»-ն է դիմել ՀԾԿՀ։
Մինչ գործարքի վերաբերյալ որոշում կայացնելը՝ ՀԾԿՀ-ը դիմում է ուղարկվում մի շարք կառավարության մի շարք գերատեսչություններ, այդ թվում՝ Ազգային անվտանգության ծառայություն, որոնք իրենց դիրքորոշումն են հայտնում հնարավոր գործարքի վերաբերյալ, իսկ բոլոր դրական դիրքորոշումներից հետո ՀԾԿՀ նիստին է ներկայացվում՝ դրա վերաբերյալ որոշման համար։Ազիզյանը նշեց, որ գործընթացն իրականացվում է «Էլեկտրոնային հաղորդակցության մասին» օրենքի հոդված 14-ի (Լիցենզավորված անձանց նկատմամբ հսկողության փոխանցումը) համաձայն։
0 Մեկնաբանություն