Ազգային անվտանգության ծառայությունը ձերբակալել է «Կոշ» քրեակատարողական հիմնարկի պետ, գնդապետ Լյովա Բաղդասարյանին։
Լուրը «Ա1+»-ի հետ զրույցում հաստատել է Արդարադատության նախարարության Քրեակատարողական վարչության հանրային կապերի բաժնի պետ, մայոր Նոնա Նավիկյանը։
«Ձերբակալվել է կաշառք ստանալու մեղադրանքով»,- ասել է Նավիկյանը։
ԱԱԾ մամուլի բաժնից այլ մանրամասներ դեռևս չեն տրամադրել՝ խոստանալով ճշտումներից հետո տեղեկացնել։
Լյովա Բաղդասարյանը 2001 թվականից աշխատում է ՔԿՀ-ում՝ զբաղեցնելով տարբեր պաշտոններ, իսկ 2015-ից «Կոշ» ՔԿՀ պետն է։
0 Մեկնաբանություն