Այս պահից սկսած դադարում եմ «Յուքոմ»-ով զբաղվել․Հայկ Եսայան (տեսանյութ)

«Յուքոմ»-ի շուրջ  նոր զարգացումներ են։ Ընկերության տնօրեն Հայկ Եսայանը հանդես է եկել հայտարարությամբ: Հիշեցնենք՝ նա ապրիլի 9-ին աշխատանքից ազատման դիմում էր գրել։  Մի քանի օր առաջ հայտարարվեց, որ 94 % բաժնետերերի որոշմամբ նշանակվել է նոր տնօրեն՝ Արա Խաչատրյանը։ Ըստ Հայկ Եսայանի՝ իրենք այս մասին տեղեկացել են մամուլից և զարմացել է․ քանի որ ակնկալում էինն, որ  բաժնետերերը  քննարկում են  իրենց առաջարկը․ 5,94%-ի բաժնետերեր Եսայան եղբայրները մյուս սեփականատերերին ավելի քան 34 մլրդ դրամ են առաջարկել՝ մնացած բաժնետոմսերը ձեռք բերելու համար։

Հայկ Եսայանը հայտնել է նաև, որ  եղբորը՝  բաժնետեր, տնօրենների խորհրդի անդամ Ալեքսանդր Եսայանին առաջարկել է  ետ վերցնել դիմումը պետռեգիստից, որին դիմել էին, որպեսզի նոր տնօրենի գրանցումը հետաձգվի։ 

Թող Արա Խաչատրյանը, գա զբաղվի ընկերությամբ, ես այս պահից սկսած դադարում եմ «Յուքոմ»-ով զբաղվել,- հայտարարել է Հայկ Եսայանը։ Նա նաև նշել է, որ կստեղծեն նոր ընկերություն, որը հավանաբար կանվանեն «Յունեթ»։

«Պետք եղավ, նորից կաբել կքաշեմ՝ ինչպես 12 տարի առաջ,- հայտարարել է «Յուքոմ» -ի հիմնադիրը։

Հիշեցնենք՝ «Յուքոմ»-ի շուրջ 800 աշխատակիցներ աշխատանքից ազատման դիմումներ են գրել: Ինչ է նրանց սպասվում՝ հայտնի չէ։

Մանրամասները՝ տեսանյութում