Ճրագալույցի Սուրբ Պատարագով մեկնարկեցին Սուրբ Ծննդյան տոները

Հայ Առաքելական եկեղեցին  նշում է Սուրբ Ծննդյան տոները. Մայր Աթոռի Սուրբ Էջմիածնի եկեղեցում մատուցվել է Սուրբ պատարագ: Հայաստանում Սուրբ Ծննդյան տոները սկսում են հունվարի 5-ի երեկոյան և շարունակվում են մինչև հունվարի 6-ը: Բոլոր հայկական եկեղեցիներում մատուցվել են Ճրագալույցի Սուրբ Պատարագներ: «Ճրագալույց» նշանակում է ճրագ, մոմ վառել՝ լուցանել, որը խորհրդանշում է Աստվածային լույսը: Ահա թե ինչու այս երեկո մարդիկ եկեղեցուց իրենց հետ տանում են վառած ճրագներ և մոմեր, որը խորհրդանշում է աստվածային լույսը, Աստծո օրհնությունը, բեթղեհեմյան աստղի լույսը, որը ցույց տվեց ճանապարհը դեպի Մանուկ Հիսուս:

Հունվարի 6-ին, Հայաստանը տոնելու է Հիսուս Քրիստոսի ծննդյան և Սուրբ Ծննդյան տոները` ի հիշատակ Հիսուս Քրիստոսի ծննդյան և մկրտության, իսկ հունվարի 7-ը մահացածների հիշատակի օր է՝ ոչ աշխատանքային:
Հունվարի 6-ին՝ ժամը 10:30-ին, Ն.Ս.Օ.Տ.Տ. Գարեգին 2-րդ Ծայրագույն Պատրիարք և Ամենայն Հայոց Կաթողիկոսը Սուրբ և Անմահ Պատարագ կմատուցի Երևանի Սուրբ Գրիգոր Լուսավորիչ մայր եկեղեցում: Սուրբ Պատարագի ավարտին կկատարվի Ջրօրհնեքի կարգ, որից հետո օրհնված ջուրը կբաշխվի հավատացյալներին: