Տեղական քաղաքականություն

Հայազգի գերմանաբնակ ռեժիսոր Արթուրո Սայանի «Maestro 95» ֆիլմի հայաստանյան պրեմիերան Վանաձորում էր

Վանաձորի տեխնոլոգիականում գերմանաբնակ հայազգի ռեժիսոր, ծագումով վանաձորցի Արթուրո Սայանի «Maestro 95» ֆիլմի պրեմիերան էր՝ նվիրված աշխարհահռչակ կինոռեժիսոր Սերգեյ Փարաջանովի 95-ամյա հոբելյանին: Հունվարի 14-ին Վանաձորում ֆիլմի հայաստանյան պրեմիերան էր: Բնույթով գեղարվեստական-փաստավավերագրական ֆիլմը համեմված էր պոետիկ էսսե - ֆիլմի և անիմացիայի հնարքներով: Ֆիլմը, որը ժամրային առումով կոլաժ էր, միախառնված են տարբեր ժանրեր: Հաշվի առնելով այն կարևոր հանգամանքը, որ տիկնիկները նշանակալի դեր են ունեցել Վարպետի կոլաժներում և առհասարակ արվեստում, այս ֆիլմով առաջին անգամ փորձ է արվել կենդանություն տալ հենց իր՝ Փարաջանովի դեմքով տիկնիկին, հայտնի վրացի դերասանուհի Սոֆիկո Ճիաուրելիին և մնացյալ այլ կերպարային տիկնիկներին, որոնցով էլ կառուցված են անիմացիոն տեսարանները: Արթուրո Սայանը ֆիլմի վրա աշխատել է 1 տարի: Նկարահանումները տեղի են ունեցել Հայաստանում և Գերմանիայում: Ցուցադրության ավարտին եղավ նաև հարցուպատասխան ռեժիսորի հետ: Լսարանի հարցերը բազմաթիվ էին՝ նախապատմություննից մինչև խոչընդոտներ, որ առաջացել են ֆիլմարտադրության ճանապարհին: Մթնոլորտն էլ ավելի անմիջական դարձավ, երբ ռեժիսորի հայրը՝ Գագիկ Կարապետյանը կիսվեց տղայի՝ ինժեներ դառնալու որոշումն անակնկալ չեղարկելու մասին հիշողությամբ: Հունվարի 15-ին տեղի է ունեցել ֆիլմ-կոլաժի երևանյան դիտումը: 2019 թվականին «Maestro 95» ֆիլմը ցուցադրվել է Գերմանիայի մի քանի քաղաքներում: Հունվարին նախատեսվում է ցուցադրություն նաև Մոսկվայում, փետրվարին՝ Բեռլինում: Վանաձորյան ցուցադրության կազմակերպիչներն էին Ձեռնարկությունների Ինկուբատոր Հիմնադրամը, Վանաձորի Տեխնոլոգիական Կենտրոնը և «Գայաննա» ՀԿ-ն: Ֆիլմի նկարահանման աշխատանքներին աջակցել են Գերմանիայում ՀՀ Դեսպանությունը և գերմանական Մուտեզիուսի անվան արվեստի ԲՈւՀ-ը:

0 Մեկնաբանություն

Թողեք Ձեր մեկնաբանությունը

Ձեր մեկնաբանությունը կավելացվի մեր մոդերատորների հաստատումից հետո *