Facebook

Մի քանի հարց, որ կառաջարկեի պատգամավորներին տալ Կառավարությանը՝ անձնական տվյալներին առնչվող օրինագիծը քննարկելիս.Շուշան Դոյդոյան

Ինֆորմացիայի ազատության կենտրոնի նախագահ Շուշան Դոյդոյանը ֆեյսբուքի իր էջում գրում է.

Մի քանի հարց, որ կառաջարկեի պատգամավորներին տալ Կառավարությանը Անձնական տվյալներին առնչվող օրինագիծը քննարկելիս. 

1.Կոնկրետ ո՞ր մարմիններն են ունենալու մուտք մշակված անձնական տվյալներին։ Ընդ որում, այդ մարմինների ցանկը պետք է սահմանված լինի օրենքով, ոչ թե կառավարության որոշմամբ, ինչպես նախատեսում է այս նախագիծը։ 

2. Նախագիծը սահմանում է, որ մշակված անձնական տվյալները պահվելու են 1 ամիս։ Սա շաաատ երկար ժամկետ է եւ չհիվնավորված։ Պետք է սահմանվի առավելագույնը 3օրյա ժամկետ տվյալները ոչնչացնելու համար։ 

3. Անվտանգության ի՞նչ մեխանիզմներով ու միջոցներով են ապահովելու, որ բացառվեն անձնական տվյալների արտահոսքերը, ինչպես նաեւ երրորդ անձանց մուտքը այդ տվյալներին։ 

4. Ո՞րտեղ են պահվելու անձնական տվյալները։ 

5. Եւ ամենաառանցքայինը գուցե այն է, որ բացակայում է կապը մշակվող անձնական տվյալների եւ սահմանված նպատակի միջեւ։

Այս հարցեը կոնկրետ եւ հիմնավորված պատասխաններ են պահանջում այս օրինագիծն ընդունելուց առաջ։

0 Մեկնաբանություն

Թողեք Ձեր մեկնաբանությունը

Ձեր մեկնաբանությունը կավելացվի մեր մոդերատորների հաստատումից հետո *