Թողարկումը նվիրվել է մարտի 8-ի 100- ամյա հոբելյանին և այդ համատեքստում անդրադարձել կնոջ հասարակական դերակատարությանն ընդհանրապես. թե՜ սեփական իրավունքների պաշտպանության առումով, թե՜ ակտիվ հասարակական գործունեության, թե՜ խոչընդոտող հանգամանքներին: Տաղավարում հյուրընկալվել է Վանաձոր համայնքի ավագանու միակ կին անդամ Գայանե Քալանթարյանը, ով սեփական օրինակով խրախուսել է կանանց՝ լինել առավել ակտիվ և նախաձեռնող, հավատալ սեփական ուժերին և տղամարդկանց հետ հավասար փորձել ներգրավվել համայնքային խնդիրների լուծման հարցում:





Թողարկումն անդրադարձել է մարզերում մշակութային կյանքին, մայրաքաղաք-մարզեր անջրպետին, մարզային մշակույթի աշխատողների խղճուկ վարձատրությանը, մայրաքաղաքում անցկացվող մշակութային միջոցառումների մասնակցություն չունենալուց: Տաղավարում հյուրընկալվել է Լոռու մարզպետարանի աշխատակազմի կրթության, մշակույթի, սպորտի և երիտասարդության վարչության մշակույթի բաժնի պետ Արամ Ռևազյանը: Ներկայացվել են օբյեկտիվ և սուբյեկտիվ հանգամանքները` հիմնականում ֆինանսական, որոնց պատճառով առաջացել է մշակութային անջրպետ մայրաքաղաքի և մարզերի միջև, նաև «Լոռու սպորտ, մշակույթ» հիմնադրամից, որի աջակցությամբ փորձ է արվում մարզում մշակութային կյանքը աշխուժացնելու:
Թողարկումն անդրադարձել է Երեխաների իրավունքների պաշտպանության 2004-2015 թթ ազգային ծրագրին, ինչպիսին է իրավիճակը այս ոլորտում բազմաթիվ միջազգային փաստաթղթերին միանալուց հետո: Տաղավարում հյուրընկալվել է Լոռու մարզպետարանի աշխատակազմի Երեխաների իրավունքների պաշտպանության բաժնի պետ Նարեկ Սարգսյանը, ով կարևորելով ծրագրի դրույթների իրականացումը, որի արդյունքում նվազել են մուրացիկ ու թափառաշրջիկ երեխաները, նաև հատուկ հաստատությունների բեռնաթափումը, միաժամանակ խիստ մտահոգիչ համարել անչափահասների շրջանում հանցագործությունների աճը: Միայն 2009-ին մարզի տարածքում 56 անչափահասի կողմից կատարվել է 75 հանցագործություն: Իբրև լուծում առաջարկվել է եռակողմ կանխարգելիչ աշխատանքը` բաժնի, հանրակրթական դպրոցների և ոստիկանության համապատասխան բաժնի միջև:
Անդրադարձ է կատարվել համաշխարհային ֆինանսատնտեսական ճգնաժամին և վերջինիս հաղթահարմանը: Քննարկման մասնակից է դարձել Լոռու մարզպետարանի աշխատակազմի ֆինանսական և սոցիալ-տնտեսական զարգացման վարչության պետ Սևակ Հովհաննիսյանը, ով անդրադարձել է ճգնաժամի հասցրած վնասներին` թե բնակչության, թե արտադրողների վրա, նաև մարզի սոցիալ տնտեսական զարգացման քառամյա ծրագրին, ուր ևս հաշվի են առնվել ճգնաժամային ռիսկերը: Հնչել է տեսակետ, որ ներկայումս ճգնաժամը հաղթահարման փուլում է:
Press Now
Circom
A1+